ओढ....

ओढ

किनारा पायाखालचा सुटवेना,

तरी समुद्र तळाची ओढ मनातून जायीना...

पाणावलेल्या डोळ्यातून साहस कधी हरवलेच

तरी वेड्या स्वप्नाची ओढ मनातून जायीना...

भाराने कर्तव्याच्या पंख झालेत जड

तरी आसमंतात उड्डाणाची ओढ मनातून जायीना...

खूप विचार करूनही अर्थ जीवनाचा कळेचना

तरी जगण्याची ओढ मनातून जायीना...

पारिजातक

(अमिता पाटील)

२०/८/२०१५
(*All rights are reserve) 

शोधते मी स्वतःला

उगवतीच्या पसरलेल्या बेभान रंगात 

पहाटेच्या अलवार गवताच्या थेंबात 

वाहत्या वाऱ्यासवे दरवरणाऱ्या गंधात 

भिजल्या मनान भरल्या मेघात

चांदणे ओजळीत घेतलेल्या शिरावरील गगनात 

शोधते मी स्वतःला 

 Amita Patil

(20/05/2015)
(*All rights are reserve)